cemiyyet.info
cemiyyet.info

 Karantin bitir: Bakı metrosu açılır? - Açıqlama

26-08-2020, 15:03 18 dəfə baxılıb

 Karantin bitir: Bakı metrosu açılır? - Açıqlama

Məlum olduğu kimi, ölkədə avqustun 31-i saat 00:00-da ümumi karantin rejimi bitir. Hələ ki karantinin uzadılması ilə bağlı qərar olmadığı üçün müzakirə edilən məsələlərdən biri də Bakı metrosunun açılmasıdır. Maraqlıdır, fəaliyyəti dayandırılan Bakı metrosu sentyabrın 1-dən yenidən xidmət göstərmək üçün hazırlıq işlərinə başlayıbmı?

Məsələ ilə bağlı Axar.az-a açıqlama verən Bakı Metropoliteni QSC-nin mətbuat katibi Bəxtiyar Məmmədov bildirib ki, metronun fəaliyyətini bərpa etməsi barədə xüsusi tapşırıq yoxdur, lakin hər gün müntəzəm işlər aparılır:

“Bizdə karantindən sonra metronun fəaliyyətini bərpa etməklə bağlı xüsusi hazırlıq olmur. Hazırda yalnız sərnişindaşıma yoxdur, qalan məsələlər texnoloji prosesə uyğun hər gün davam etdirilir. Adi günlərdə metro işləyəndə də belə olurdu. Elə məsələlər var ki, onları təlimat qaydaları, texniki-istismar tələblərinə dair normativ sənədlər müəyyən edir. Bu işlərin hamısı bir yerdə icra olunanda metronun sərnişindaşımaya hazırlığı təmin edilir. İşə başlamaq, yaxud mövcud vəziyyətin davam etməsi ilə bağlı normativ sənədlərə uyğun daxili əmr və tapşırıqlar üçün bizə rəsmi qərar lazım olur. Operativ Qərargahın brifinqlərindən sonra rəsmi qərarın açıqlanmasını gözləyirik. Amma hazırda hansısa tapşırıq və ya qərar yoxdur”.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA